კლუბის ეროვნული აქტივობები

 #1 აქტივობა 

ფინანსური განათლება — მომავლის ერთ-ერთი ყველაზე მყარი საყრდენია 💡

სსიპ წყალტუბოს მუნიციპალიტეტის ქვიტირის საჯარო სკოლის ფინანსური განათლების კლუბის „Smart Money Club“-ის მე–8–მე–12 კლასის მოსწავლეები სტუმრად იმყოფებოდნენ საქართველოს ეროვნული ბანკის სათავო ოფისში, სადაც მიიღეს უნიკალური შესაძლებლობა პირადად გაეცნონ ფინანსური განათლების თანამედროვე მიდგომებს და საბანკო პროცესებს.

მოსწავლეებს გულთბილად შეხვდა ქალბატონი სოფიკო მამნიაშვილი, ფინანსური განათლების განყოფილების სპეციალისტი, ფინანსური განათლებისა და სტრატეგიული განვითარების დეპარტამენტიდან. მან ბავშვებს გასაგებად, საინტერესო და აქტიურად გააცნო საბანკო პროდუქტები, მომხმარებლის უფლებები, ანგარიშსწორების მექანიზმები და პასუხისმგებლიანი ფინანსური გადაწყვეტილებების მნიშვნელობა.

შეხვედრა ჩატარდა ინტერაქტიულ ფორმატში, რამაც მოსწავლეებში წარმოშვა მაღალი ინტერესი და ჩართულობა: ბავშვებმა აქტიურად დასვამდნენ კითხვებს, მონაწილეობდნენ პრაქტიკულ სიმულაციებსა და დისკუსიებში, მოისმინეს რეალური მაგალითები ფინანსური სიფრთხილისა და გონივრული გადაწყვეტილებების შესახებ.

საგანმანათლებლო ვიზიტი არ მხოლოდ გაამყარებს მოსწავლეების ფინანსურ წიგნიერებას, არამედ ეხმარება მათ დამოუკიდებელი, პასუხისმგებლიანი და ფინანსურად მზრუნველი მოქალაქეების ჩამოყალიბებაში. მსგავსი ინიციატივები აჩენს მოსწავლეებში უნარებს, რომლებიც საჭირო იქნება მომავალში, როგორც პირად ცხოვრებაში, ასევე პროფესიულ საქმიანობაში.

🙏 მადლობას ვუხდით საქართველოს ეროვნულ ბანკს, და განსაკუთრებით ქალბატონ სოფიკო მამნიაშვილს, მისი დროის, ცოდნისა და ყურადღებისთვის. მსგავსი შეხვედრები ბავშვებს აძლევს შესაძლებლობას არა მხოლოდ გაიგონ ფინანსური პროცესები, არამედ შექმნან მდგრადი ფინანსური გამოცდილება და განვითარდნენ როგორც სულიერად, ისე პრაქტიკულად.

ფინანსური განათლება იწყება სკოლიდან — ცოდნა, რომელიც გეხმარება დამოუკიდებელი, პასუხისმგებლიანი და წარმატებული მომავალის შექმნაში.

# 2 აქტივობა

16 დეკემბერს სსიპ წყალტუბოს მუნიციპალიტეტის ქვიტირის საჯარო სკოლის მოსწავლეები სტუმრად იმყოფებოდნენ საქართველოს პარლამენტში. ვიზიტის ფარგლებში შეხვდნენ პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარეს ქალბატონ მარიამ ლაშხს Mariam Lashkhi და სამტრედიის, წყალტუბოს, ვანისა და ხონის მუნიციპალიტეტების დელეგატს ბატონ გივი ჭიჭინაძეს გივი ჭიჭინაძე / Givi Chichinadze

შეხვედრისას მოსწავლეები გაეცნენ საკანონმდებლო ორგანოს საქმიანობას, პარლამენტის სტრუქტურასა და მუშაობის ძირითად პრინციპებს. განსაკუთრებული ყურადღება დაეთმო განათლების, მეცნიერებისა და ახალგაზრდულ საქმეთა კომიტეტის საქმიანობის ძირითად მიმართულებებს.

საუბარი ასევე შეეხო ზოგადი და უმაღლესი განათლების რეფორმებს, ახალგაზრდული პოლიტიკის საკითხებსა და მათი ჩართულობის მნიშვნელობას საზოგადოებრივ ცხოვრებაში.

მოსწავლეებმა კომიტეტის წევრებს გააცნეს საკლუბო მუშაობის დროს მათ მიერ განხორციელებული აქტივობები, რომლის მიზანია ფინანსური წიგნიერების ცოდნის გაღრმავება.

ვიზიტის ფარგლებში მოსწავლეებმა დაათვალიერეს პარლამენტის შენობა და ჰქონდათ შესაძლებლობა დასწრებოდნენ პლენარულ სხდომას, სადაც მათ პარლამენტის თავმჯდომარე შალვა პაპუაშვილი მიესალმა.

აღნიშნული შეხვედრა ახალგაზრდებისთვის მნიშვნელოვანი გამოცდილება და მოქალაქეობრივი ცნობიერების ამაღლებისკენ გადადგმული მნიშვნელოვანი ნაბიჯი იყო.

გვსურს გულწრფელი და უღრმესი მადლობა გადავუხადოთ წყალტუბოს მუნიციპალიტეტის ხელმძღვანელობას და ქვიტირის საჯარო სკოლის დირექციას შეხვედრების უმაღლეს დონეზე ორგანიზებისთვის, მხარდაჭერისთვის და ახალგაზრდების განვითარებაზე ორიენტირებული დამოკიდებულებისთვის.